ലൈംഗിക വികാരവും നമ്മള്‍ കഴിക്കുന്ന ഭക്ഷണവും തമ്മില്‍ ബന്ധമുണ്ടെന്നാണ് പഠനങ്ങള്‍ തെളിയിക്കുന്നത്. പുരാതന കാലത്ത് ഗ്രീസിലും റോമിലുമുണ്ടായിരുന്ന ദമ്പതികള്‍ തങ്ങളുടെ സ്വകാര്യ നിമിഷങ്ങള്‍ക്ക് ഉണര്‍വും ഊര്‍ജവും പകരാന്‍ പഴുത്ത പഴങ്ങള്‍ കഴിച്ചിരുന്നതായാണ് പറയപ്പെടുന്നത്.
ഹോട്ട് ചോക്കലേറ്റ് ആണ് വികാരത്തെ ഉത്തേജിപ്പിക്കുന്ന മറ്റൊന്ന്. ചില സ്റ്റാര്‍ഹോട്ടലുകളില്‍ ഹോട്ട്‌ലേറ്റും വറ്റല്‍ മുളകും ചേര്‍ത്തുള്ള ഡിഷ് അതിഥികള്‍ക്ക് വിളമ്പാറുണ്ട്. ചുടു കാപ്പിയും ഈന്തപ്പഴവും പതിവായി കഴിക്കുന്നത് ലൈംഗിക തൃഷ്ണ വര്‍ദ്ധിപ്പിക്കാന്‍ സഹായകരമാണെന്ന് പ്രമുഖ സെക്‌സോളജിസ്റ്റുകള്‍ ചൂണ്ടികാണിക്കുന്നു.
കക്കയും കൊഞ്ചും കഴിക്കുന്നതും നല്ലതാണ്. പോഷകങ്ങളുടെ കുറവാണ് ഇന്ന് ദമ്പതികളുടെ ലൈംഗിക ജീവിതത്തില്‍ വരുന്ന താളപ്പിഴകളുടെ മുഖ്യ കാരണമെന്ന് മുംബൈയിലെ സെക്‌സോളജിസ്റ്റായ ഡോ.ബി.എ.റോയി പറയുന്നു.
ആപ്പിള്‍, പച്ചനിറത്തിലുള്ള പച്ചക്കറികള്‍, ഉള്ളി, വെളുത്തുള്ളി എന്നിവയുടെ ഉപയോഗവും നല്ലതാണ്. ചോക്ക്‌ലേറ്റിന്റെ കാര്യമെടുത്താല്‍ ഫിനൈലാലിന്‍ എന്ന അമിനോ ആസിഡ് ശരീരത്തിലെ മടുപ്പുണ്ടാക്കുന്ന ഘടകങ്ങളെ ഇല്ലാതാക്കി ഉണര്‍വും ഉന്‍മേഷവും പ്രദാനം ചെയ്യുന്നതായാണ് കണ്ടെത്തെല്‍.
